終於開始了

想咗寫blog好耐，但係一直都冇心情去寫。宜家因為有多餘嘅時間同好想將我諗到嘅嘢記底，所以我嘅blog終於面世了。想寫blog好可能係俾我老婆影響，因為佢會寫blog，而我又會follow。我會追住我老婆嘅blog嚟睇因為我好想知道自己老婆响到諗緊乜。我好蠢，又唔細心，更唔浪漫，好多時都唔知道自己老婆响到諗乜嘢。好容易俾佢嬲咗都唔知。而佢有時又唔識用言語去表達自己，所以我哋就會咁怪咁用blog嚟去向對方表達自己。

但係其實好可能係因為我老婆有咗個大病，我好想俾佢知道我响到諗緊乜嘢！因為有好多時我自己都冇辦法用言語嚟表達我係有幾咁擔心同掛念佢。一嚟我怕我咁樣會俾好多壓力佢，二嚟我又唔想佢要擔心我。我好多時都唔敢响佢面前講我嘅感受。但係佢病，我又好驚。我唔寫吓我嘅感受我怕我自己會有anxiety。

希望而家開始寫blog可以另我舒緩啲，同時又可以俾我老婆知道我係點諗嘅。Just getting started ....